Yathra -Monsoon Dreams- ബീർപൂരിൽ ഒരു മഴക്കാലം ...

ബീർപൂരിൽ  ഒരു  മഴക്കാലം ...

മഴ പെയ്യ്‌തിറങ്ങുകയാണ് .......
            ഹിമാലയൻ  ഹിമശ്രുംഗങ്ങളിലൂടെ ....... ശിവാലിക്  കുന്നുകളുടെ   ഹരിത സമൃദ്ധിയിലൂടെ .....മസൂരിയുടെ   മഞ്ഞണിഞ്ഞ   മലനിരകളിലൂടെ ...  .ബീർപൂരിന്റ്റെ   മണ്ണിലേക്ക് ..... 

         ബീർപൂർ  വൃന്ദാവനത്തിലെ   പാഴ്മരക്കൊമ്പുകൾക്ക്  അപ്പുറത്ത്  മസൂരി  മലമടക്കുകളിൽ  വിതുമ്പിനിന്ന  മഴമേഘങ്ങൾ  പെയ്യ്‌തുതുടങ്ങി .....മഞ്ഞിന്റ്റെ   കുളിരും  ,മണ്ണിന്റ്റെ  മണവുമായി .....
    ഊഷരമായ   മണ്ണിന്റ്റെ   ഗർഭഗൃഹങ്ങളിലേക്ക്   ഉർവരതയുടെ  ജീവജലവുമായി   മഴ  പെയ്യ്‌തിറങ്ങുകയാണ് ....                                          ഇലകൊഴിഞ്ഞ   മരച്ചില്ലകളിൽ  പച്ചപ്പിന്റ്റെ   പറുദീസയൊരുക്കാൻ  ........ മഴയുടെ  താളം   ഒരു   മന്ദ്രധ്വനിയായി   മനസിനുള്ളിൽ   നിറയുമ്പോൾ ,അകലെ  കൈലാസത്തിലെ   കടുംതുടിയുടെ   രുദ്രതാളം   ഞാൻ  തിരിച്ചറിയുന്നു .  കാടിന്റ്റെ  ഗീതവും  കാട്ടരുവിയുടെ   ഗർജനവും   കാതുകളിൽ   കടുംതുടിയായി   മുഴങ്ങുന്നു .....
മണ്ണിന്റ്റെ   മണവും  മഞ്ഞിന്റ്റെ   കുളിരും  ഞാൻ   തൊട്ടറിയുന്നു  ....
              മഴ  ഒരു   ഉന്മാദമായി   പച്ചപ്പിന്റ്റെ  പറുദീസകൾക്ക്   മുകളിൽ  പടരുകയാണ് ..... ബീർപൂരിന്റ്റെ   മണ്ണിൽ   ഇത്   മഴയുടെ   ഉത്സവകാലമാണ് ...

     ബീർപൂരിലെ   എന്റ്റെ   ഇടത്താവളത്തിന്റ്റെ   മട്ടുപ്പാവിൽ   നിൽക്കുമ്പോൾ
ബീർപൂർ   വൃന്ദാവനത്തിലെ   പച്ചപുൽത്തകിടികളിൽ   മഴനൂലുകൾ   നൃത്തം  ചെയ്യുന്നത്  കാണാം ...... പച്ചിലത്തുമ്പ്‌ കളിലൂടെ   ഊർന്നു വീഴുന്ന  മഴത്തുള്ളികളുടെ   വിതുമ്പലുകൾ   കേൾക്കാം .......പിന്നെ    പച്ചപ്പിന്റ്റെ   പറുദീസയിൽ   മദിച്ചു നടക്കുന്ന    പശുക്കിടാങ്ങൾ....... മഴയുടെ   നനഞ്ഞ  കൈകളിൽ   നിന്നും   ഓടി അകലുന്ന   അരയന്നങ്ങളും   മുയലുകളും ......

  മഴ  കാഴ്ച്ചയുടെ   ഉത്സവമായി   മനസ്സിൽ   നിറയുകയാണ് ....                            ഒരു  കിനാവിന്റ്റെ  ചാരുതയോടെ   ഓർമകളിൽ   ചേക്കേറുകയാണ് .....
         ഉത്തരാഖണ്ഡ് ന്റ്റെ   ഭൂപടത്തിൽ   ഉറങ്ങിക്കിടക്കുന്ന   ബീർപൂർ  എന്ന  കൊച്ചു  ഗ്രാമത്തിന്റ്റെ   മലനിരകൾ  ഉണരുന്നത്   മഴക്കാലത്താണ് .

 കാറ്റിൻറ്റെ   ശീൽക്കാരം  കേട്ട് ....കാടിന്റ്റെ   സംഗീതം   കേട്ട് .... കിളിക്കൂട്ടങ്ങളുടെ   കലപില  കേട്ട് ..... മഴയുടെ   കുളിരണിഞ്ഞു  ബീർപൂരിന്റ്റെ  മണ്ണ്   ഉണരുകയാണ് ..

      എന്റ്റെ   ബാൽക്കണിയിലെ   ചെടിച്ചട്ടികളിൽ   മഴത്തുള്ളി ക്കിലുക്കം   ഞാൻ   കേട്ടു .....പച്ചില തുംബുകളിലൂടെ   ഊർന്നിറങ്ങുന്ന   സ്പടികമണികൾ  കൗതുക   കാഴ്ചയായി   കണ്ണുകളിൽ   നിറയുകയാണ് ......
മഴനനഞ്ഞ  ടെറസ്സിലെ  കൊച്ചു പൂന്തോട്ടത്തിൽ  പുതുചെടികൾ   നടുന്ന  തിരക്കിലാണ്  ഭാര്യ  ലളിതാംബികയും  മകൻ  അതീന്ദ്രയും ...

.
         ഇടയ്ക്കെപ്പോഴോ    മഴയൊന്നു  ഇടമുറിഞ്ഞപ്പോൾ  നനവുണങ്ങാത്ത   എന്റ്റെ  തിരുമുറ്റത്ത്   പച്ച പനം തത്തകളുടെ   ചിറകടി   ഒച്ച  ഞാൻ  കേട്ടു .

പച്ചപ്പിന്റ്റെ   പറുദീസകൾക്ക്   മുകളിലൂടെ   പറന്നെത്തിയ  പച്ച തത്തകൾ ....
മരതക ക്കാടിന്റ്റെ   മന്ത്രധ്വനികളുമായി   തത്തകൾ   എന്റ്റെ   മുറ്റത്ത്  നൃത്തം  ചെയ്യ്തു ....
മഴനൂലുകൾ   വാരിവിതറിയ   ആലിപ്പഴത്തിനൊപ്പം   അരിമണികൾ  കൊത്തിപ്പെറുക്കുന്ന    പച്ച തത്തകൾ   എന്റ്റെ   മനസിന്റ്റെ   പച്ചപ്പിൽ   പകൽ വെളിച്ചമായി  നിറയുകയായിരുന്നു ....
പകൽ വെളിച്ചത്തിന്റ്റെ   പറുദീസയിൽ   വീണ്ടും   കിളികളെത്തുകയായി .....

മഴ നനഞ്ഞ   ചിറകുകൾ   ഉണക്കാൻ ....എന്റ്റെ   മകൻ  അതീന്ദ്ര   വാരിവിതറിയ   അരിമണികൾ   കൊത്തിപ്പെറുക്കാൻ .....

കുഞ്ഞിക്കുരുവിയും   കരിയിലം പിടച്ചിയും  ,കാ ട്ടു മൈനയും   പിന്നെ  പേരറിയാത്ത   അസംഖ്യം   കിളിക്കൂട്ടങ്ങളും ........
കാതുകളിൽ   പുനർജനിയുടെ   ചിറകടി  ഒച്ച   ഞാൻ  കേട്ടു ...
ബാല്യത്തിന്റ്റെ   ബാലിശമായ കൌതുകങ്ങൾ  കൌമാര സ്വപ്‌നങ്ങൾ പോലെ കാലങ്ങൾ താണ്ടി  ചിറകടിച്ചെത്തി ....

      എന്റ്റെ   തിരുമുറ്റത്ത്   പ്രണയ  വസന്തമൊരുക്കിയ  പക്ഷി  ക്കൂട്ടങ്ങൾ ....
പ്രകൃതിയുടെ   പച്ചപ്പിനു മുകളിൽ   പടരുന്ന   പ്രണയത്തിന്റ്റെ   ചൂടും  ചൂരും   ഞാൻ   അടുത്തറിഞ്ഞു .  മരങ്ങളിലൂടെ   മലകളിലൂടെ    പ്രണയം   പെയ്യ്ത്  ഇറങ്ങുകയാണ്  .....

      ചുണ്ടോട് ചുണ്ട്  ചേർത്ത്   പ്രണയം   പങ്കുവയ്ക്കുന്ന  പച്ചപനം തത്തകൾ....
  തത്തമ്മകളുടെ   രക്ത വർണമാർന്ന   ചുണ്ടുകൾ   കൂടുതൽ   ചുവന്നു  വരുന്നതായി   എനിക്ക്  തോന്നി .
  കൌമാരത്തിൽ   എപ്പോഴോ   കേട്ട  ഒരു   പഴംപാട്ടിന്റ്റെ   ഈണം   എന്റ്റെ   ചുണ്ടുകളിൽ   തത്തിക്കളിച്ചു ....
"തത്തമ്മ  ചുണ്ടു  ചുവന്നത്   കളിവെറ്റില   തിന്നിട്ടോ ....
മാരനൊരാൾ   ചുണ്ടിൽ വന്ന്  കളി മുത്തം   തന്നിട്ടോ ..."
        എവിടെ നിന്നോ   പറന്നെത്തിയ    അരിപ്രാവിന്റ്റെ   ചിറകടി  ഒച്ചകേട്ട്   പച്ചപനം  തത്തകൾ   പ്രണയ   നൊമ്പരങ്ങളുമായി    പറന്നകന്നു ....

         മഴ നനഞ്ഞ   മുറ്റത്ത്   ഞാൻ   വീണ്ടും   കാത്തിരുന്നു   പ്രണയത്തിന്റ്റെ   ചിറകടി  ഒച്ചകൾക്കായി .....
എന്റ്റെ   കാത്തിരിപ്പിന്   സാഫല്യം  നൽകിക്കൊണ്ട്   മുറ്റത്തിന്  അതിരിട്ട   പച്ച  വേലിക്കരുകിൽ   കുഞ്ഞിക്കുരുവികൾ   പറന്നെത്തി .....                        കുഞ്ഞിളം   കാറ്റുപോലെ   ചിറകടിച്ചെത്തിയ    കുഞ്ഞിക്കുരുവികൾ ....

     കൂട്ടം തെറ്റിയ   രണ്ട്   ഇണക്കുരുവികൾ  എന്റ്റെ  പച്ചവേലിക്ക് മുകളിൽ   ഒരു   സ്വപ്ന ശകലം  പോലെ  ഇരിക്കുന്നത്  ഞാൻ  കണ്ടു .....
അവർ   പ്രണയത്തിന്റ്റെ   മധു നുകരുകയാണ് ....                                                 ചുണ്ടുകൾ   വേർപെടുത്താൻ  വയ്യാത്തവിധം  കോർത്തിണക്കിയിരിക്കുന്നു ...

ഈ   പ്രകൃതിയിലെ   മുഴുവൻ   പ്രണയവും  ആ   ഇളംചുണ്ടുകളിൽ  ജ്വലിക്കുന്നത്   ഞാൻ  കണ്ടു ....
വീണ്ടും   കാറ്റൊന്നു  വീശിയപ്പോൾ   കാടൊന്നിളകിയപ്പോൾ   ഇണക്കുരുവികൾ   നേർത്ത   നാണത്തോടെ   എന്റ്റെ   മുന്നിൽ  നിന്നും   പറന്നകന്നു  .
വീണ്ടും   മഴ പെയ്യുകയാണ് ..... ബീർപൂരിലെ   പച്ചിലക്കാടുകളിൽ  പ്രണയത്തിന്റ്റെ   പനിനീർമഴ  ....
                                 മഴമേഘങ്ങൾ    പെയ്യാൻ   മടിച്ചുനിന്ന  ഒരു  ഇടവേളയിൽ   വീണ്ടും   കിളിക്കൂട്ടങ്ങൾ   എന്റ്റെ  തിരുമുറ്റത്ത്   എത്തുകയായി ....എന്റ്റെ   കണ്ണുകൾക്ക്‌   വിരുന്നൊരുക്കാൻ ....
കാതടപ്പിക്കുന്ന   കലപിലയുമായി   കാടിന്റ്റെ  ഉള്ളറകളിൽ  നിന്നും  പറന്നെത്തിയ   കരിയിലം പിടച്ചികൾ ....

കാഴ്ചക്ക്‌   ചന്തമില്ലാത്ത  കരിയിലംപിടച്ചികൾ   ഒരു   കൌതുക കാഴ്ച്ച  അല്ലെങ്കിലും   പ്രണയത്തിന്റ്റെ   മൃദുതൂവൽ സ്പർശവുമായി   അവ  സല്ലപിക്കാൻ   തുടങ്ങിയപ്പോൾ   ഞാൻ   അത്ഭുതപ്പെട്ടു ....
കരിയിലം പിടച്ചിക്കും   ഇത്   പ്രനയകാലമോ ....?

നെഞ്ചോട്‌  നെഞ്ചുചേർത്ത് , ചുണ്ടോടു  ചുണ്ടുചേർത്ത്  പ്രണയമണിത്തൂവൽ   തഴുകി  അവ   എന്റ്റെ   വേലിത്തലപ്പിൽ   പ്രണയത്തിന്റ്റെ  കയ്യൊപ്പ്ചർത്തി . അപൂർവങ്ങളിൽ   അപൂർവമായ   ഈ  പ്രണയക്കാഴ്ച   കണ്ടപ്പോൾ  എനിക്ക് തോന്നി  ലോകത്തിലെ  ഏറ്റവും  സുന്ദരപക്ഷികളാണ്  ഇവയെന്ന് ...
   ഞാൻ   അറിയാതെ  ഓർത്തു , ബീർപൂരിന്റ്റെ    താഴ്വരകളിൽ    ഇത്   പ്രണയത്തിന്റ്റെ    പെരുമഴക്കാലമാണ് ....
        മടിച്ചുനിന്ന   മഴ   വീണ്ടും   പെയ്യ്തുതുടങ്ങി ....പച്ചിലച്ചാർത്തുകളിൽ   പ്രണയത്തിന്റ്റെ   സ്പടികമണികൾ   ഉതിർത്തുകൊണ്ട് .....
പാടാൻ   മറന്നുപോയ   ഒരു   പ്രണയ ഗാനത്തിന്റ്റെ  സാന്ദ്ര താളങ്ങളുമായി   മഴ  പെയ്യുകയാണ് ....

 ..മഴത്തുള്ളികളുടെ  മാന്ത്രിക സ്പർശമേറ്റ്  ആളിപ്പഴങ്ങൾ  പെയ്യ്തിറങ്ങിയത്
  അവിചാരിതമായാണ്  ...പവിഴ മുത്തുകൾ  പോലെ  ടെറസ്സിൽ  ചിതറിവീഴുന്ന  ആളിപ്പഴങ്ങൾ  അത്ഭുത കാഴച്ചകളായി ....അടക്കാനാവാത്ത  ആഹ്ലാദത്തോടെയാണ്  ആലിപ്പഴം  പെറുക്കാൻ  ഞങ്ങൾ  മഴനൂലുകൾക്ക്  ഇടയിലേക്ക്  ഓടിയിറങ്ങിയത്

     ബീർപൂരിന്റ്റെ   അരികുപറ്റി  ഒഴുകുന്ന  താമസാ നദിയുടെ  തീരങ്ങളിൽ   ആകാശത്തിന്റ്റെ   അതിരുകൾ   താണ്ടിയെത്തിയ  ഒരു  സൂര്യവെളിച്ചം ......
മഴ  പെയ്യ്ത്  ഒഴിയുകയാണ് .....
മഴമേഘങ്ങൾ   ഒഴിഞ്ഞ   ആകാശത്ത്  സന്ധ്യയുടെ  രക്തവർണങ്ങൾ   പടർന്നുതുടങ്ങി  .....

ആകാശത്ത്   വിസ്മയകാഴ്ച്ചകളൊരുക്കി   ഒരു   മാരിവില്ല് .....
മഴ   സമ്മാനിച്ച   സപ്ത വർണങ്ങളുടെ   വിസ്മയക്കാഴ്ച .....                             
ഇത് , പുത്തൻ  പ്രതീക്ഷകളുടെ   വർണ വിസ്മയം ....
മനസിന്റ്റെ   ശാദ്വല  തീരങ്ങളിൽ   ആഹ്ലാദത്തിന്റ്റെ   കുളർ മഴ  പെയ്യുന്നത്  ഞാനറിഞ്ഞു .

അകലെ    കാടുകൾക്കും   മലനിരകൾക്കും   അപ്പുറത്ത്  അസ്തമന  സൂര്യന്റ്റെ അരുണപ്രഭയിൽ   പ്രകൃതി  ഒരുക്കിയ   മാന്ത്രിക ചിത്രം ....
മനസിനെ   മദിപ്പിച്ച   ആ   വിസ്മയക്കാഴ്ച  വരച്ചു  കാണിക്കാൻ  വാക്കുകൾ ഇല്ലെനിക്ക്.....
           അതെ   ബീര്പൂരിലെ   ഈ   മഴക്കാലം   പ്രണയത്തിന്റ്റെ  ,പ്രതീക്ഷയുടെ , നിറച്ചാർത്തുകളുടെ   വിസ്മയക്കാഴ്ചകളാണ്   എനിക്ക്  സമ്മാനിച്ചത്‌ ....

സ്നേഹപൂർവ്വം
ഗിരീഷ്‌  മാന്നാനം